ეკონომიკისა და მდგრადი განვითარების სამინისტრომ აუქციონზე თორმეტი ობიექტის ნაცვლად მხოლოდ ორი ობიექტის გასხვისება მოახერხა.
ეკონომიკისა და მდგრადი განვითარების სამინისტროს ინფორმაციით, გაყიდულია თბილისში, გლდანის დასახლება, I და II მკ/რ-ებს შორის მდებარე შენობა-ნაგებობა და მასზე დამაგრებული მიწის ნაკვეთი, რომლის გასხვისებაც 70 ათას დოლარად მოხერხდა. გაიყიდა ასევე თბილისში, სამრეწველო დასახლება, II ქუჩაზე მდებარე შენობა-ნაგებობა და მასზე დამაგრებული მიწის ნაკვეთი, რომელშიც მყიდველმა 20 ათასი დოლარი გადაიხადა.
აუქციონის წესით სახელმწიფო საკუთრებაში არსებული 2 ობიექტის გასხვისებიდან ბიუჯეტში სულ 90 ათასი დოლარი შევა.
