უკრაინის სახელმწიფო სასაზღვრო სამსახურის ინფორმაციით, მიხეილ სააკაშვილის მიერ საზღვრის უკანონო გადაკვეთასთან დაკავშირებულ საქმეს სასამართლო 18 სექტემბერს განიხილავს. მათივე ინფორმაციით, საქმეს ლვოვის ოლქის მოსტისკის დასახლებული პუნქტის სასამართლო განიხილავს.
დღეს მიხეილ სააკაშვილს საზღვრის უკანონოდ გადაკვეთის შესახებ ადმინისტრაციული პროტოკოლი გადაეცა. სააკაშვილს უკრაინაში სამ ბრალდებას წაუყენებენ.
,,ეს არის რეჟიმის ობიექტზე უკანონო შეჭრა, რაც საერთაშორისო შეთანხმებების დარღვევაა პოლონეთს მხრიდან. პირთა ჯგუფის მიერ სახელმწიფო საზღვრის უკანონო გადმოკვეთა დ ასევე, საზღვრის დაცვის სამსახურის თანამშრომლებისთვის ფიზიკური ზიანის მიყენება სამსახურეობრივი მოვალეობის შესრულების დროს. ეს შეეხება ყველას, ვინც საზღვარი გადმოკვეთა, მათ შორის დეპუტატებს და სააკშვილს“,- განმარტა საზღვრის დაცვის წარმომდგენლმა ოლეგ სლობოდიანმა.
