მიხეილ სააკაშვილის საქმისთვის უკრაინის ხელისუფლება ლვოვში ლოიალურ სასამართლოს ეძებს, თუმცა ამ დრომდე ვერ იპოვნა. ამის შესახებ უკრაინის გენერალური პროკურორის ყოფილმა მოადგილემ და სააკაშვილის თანამებრძოლმა დავით საყვარელიძემ განაცხადა.
„ისინი უკვე იმყოფებოდნენ მოსტიცკის რაიონულ სასამართლოში, მაგრამ რეფორმების შემდეგ იქ მხოლოდ ერთი მოსამართლე დარჩა და ისიც შვებულებაშია. შემდეგ მივიდნენ გოროდეცის სასამართლოში, სადაც ისინი არ მიიღეს, რადგანაც პროტოკოლი სააკაშვილს კანონდარღვევით, მოწმეების დაუსწრებლად გადასცეს. მინდა მოვუწოდო ყველა მოსამართლეს, არ შეუშინდეთ ზეწოლას და უკანონო ბრძანებებს არ დაემორჩილოთ,“-განაცხადა საყვარელიძემ.
