სააკაშვილს უკრაინაში სამ ბრალდებას წაუყენებენ უკრაინის საზღვრის დაცვის სახელმწიფო სამსახურმა მთავრ პროკურატურას მიხეილ სააკაშვილის და მისი მომხრეების მიერ საზღვრის უკანონო გადმოკვეთასთან დაკავშირებით ოფიციალურად მიმართა. საზღვრის დაცვის წარმომდგენლის ოლეგ სლობოდიანის განცხადებით, საქმე გვაქვს მთელ რიგ კანონდარღვევებთან და ახლა მათი სამსახურის მოვალეობაა, ყველაფერი დოკუმენტურად აღრცხონ ცხელ კვალზე და პროკურატურას გადასცენ. მისივე თქმით, საუბარია სამ ეპიზოდზე.
,,ეს არის რეჟიმის ობიექტზე უკანონო შეჭრა, რაც საერთაშორისო შეთანხმებების დარღვევაა პოლონეთს მხრიდან. პირთა ჯგუფის მიერ სახელმწიფო საზღვრის უკანონო გადმოკვეთა დ ასევე, საზღვრის დაცვის სამსახურის თანამშრომლებისთვის ფიზიკური ზიანის მიყენება სამსახურეობრივი მოვალეობის შესრულების დროს. ეს შეეხება ყველას, ვინც საზღვარი გადმოკვეთა, მათ შორის დეპუტატებს და სააკშვილს“, – აცხადებს სლობოდიანი და მისივე თქმით, პროკურატურისთვის მასალების გადაცემა გარკვეულ დროს წაიღებს.
როგორც ცნობილია, თავად სააკაშვილი აცხადებს, რომ უკრაინაში სრულიად ლეგალურად იმყოფება.
