ერაყში რუსეთის მოქალაქე გაასამართლეს. სააგენტო „რია ნოვოსტის“ ინფორმაციით, „ისლამური სახელმწიფოს“ დაჯგუფების წევრობის ბრალდებით დაკავებულს სასამართლომ სასიკვდილო განაჩენი გამოუტანა. სიკვდილმისჯილის ვინაობა ჯერჯერობით არ სახელდება. ცნობილია მხოლოდ ის, რომ ბრალდებული „აზ-ზარკავის ბრიგადაში“ ირიცხებოდა. ერაყის სახელისუფლო ძალებმა ის მოსულის გათავისუფლების ოპერაციისას აიყვანეს.
