დიდი ბრიტანეთის პარლამენტმა ე.წ. „გაუქმების კანონი“ მიიღო, რომელიც ქვეყანაში ევროკავშირის კანონების შეჩერებას და ბრიტანულ კანონმდებლობაზე მათ მორგებას ითვალისწინებს. დოკუმენტს თემთა პალატაში მხარი დაუჭირა 326-მა დეპუტატმა 290-ის წინააღმდეგ. საკანონმდებლო ცვლილების ინიციატორები კონსერვატიული პარტია და პრემიერ-მინისტრი ტერეზა მეი იყვნენ. პარლამენტის გადაწყვეტილების საფუძველზე ბრიტანელ კანონმდებლებს 12 საკანონმდებლო ნორმის შესწორება მოუწევთ.
