ჩვენ ეს ნამდვილად არ გვეხება, ჩვენი პოლიტიკური სპექტრისთვის დიდი ხანია ის [მიხეილ სააკაშვილი] გაკოტრებულია, მათ შორის მისი ყოფილი თანაგუნდელებისთვის, - ამის შესახებ მმართველი გუნდის წევრმა ირაკლი სესიაშვილმა განაცხადა.
მისი თქმით, სააკაშვილმა დაამტკიცა, რომ ის უვარგისი სახელმწიფო მოხელეა.
„სააკაშვილი ოდესის გუბერნიიდან ფაქტობრივად გააგდეს და ახლა მიჰყო ხელი თავის ჩვეულ საქმეს, ესაა ავანტიურა, მეტი არაფერი. თუ სააკაშვილს უკრაინა და მისი იმიჯი ადარდებს, ასეთი ქცევა, რაც მან საზღვარზე გააკეთა, ყოველგვარ ზღვარს ცდება. ჩვენ ეს ნამდვილად არ გვეხება, ჩვენი პოლიტიკური სპექტრისთვის დიდი ხანია ის გაკოტრებულია, მათ შორის მისი ყოფილი თანაგუნდელებისთვის",- განაცხადა სესიაშვილმა, რომელმაც მიხელ სააკაშვილის მიერ უკრაინის საზღვრის გადაკვეთა ავანტიურად შეაფასა.
