საქართველოს ყოფილი პრეზიდენტი, მიხეილ სააკაშვილი, პოლონეთის ქალაქ ფშემისლში იმყოფება. მასთან ერთად იმყოფება ევროპარლამენტარი სარიუშ ვოლსკი, რომელიც ,,რუსთავი 2“ - ის ინფორმაციით, სააკაშვილისთვის სოლიდარობის გამოსახატავად სპეციალურად ჩავიდა.
ევროდეპუტატის თქმით, ახლა მნიშვნელოვანია სააკაშვილის მხარდაჭერა, რათა მას უკრაინაში მშვიდობიანად დაბრუნების საშუალება მიეცეს.
მიხეილ სააკაშვილის მხარდამჭერები იმედოვნებენ, რომ მას უკრაინაში საკუთარი უფლებების დაცვის შანსს მისცემენ.
საქართველოს მესამე პრეზიდენტის მხარდასაჭერად პოლონეთში, ოპოზიციის ერთ-ერთი ლიდერი, იულია ტიმოშენკოც მივიდა.
მისი განცხადებით, ამ ვიზიტისა და მხარდაჭერის მთავარი მიზანი უკრაინის, კონსტიტუციისა და თითოეული ადამიანის დაცვაა.
„არ ვიმყოფებით, რადგან, პირველ რიგში, ჩვენ უნდა დავიცვათ უკრაინა, ამით დავიცვათ საკუთარი უფლებები, დემოკრატია და კონსტიტუცია, მათ შორის ფასეულობები, რომლებიც ჩვენი გუნდისთვის მნიშნელოვანია,“ - განაცხადა იულია ტიმოშენკომ.
ის აღნიშნავს, რომ მიხეილ სააკაშვილის გვერდით დგას იმიტომ, რომ უკრაინაში სამომავლოდ პოლიტიკური რეპრესიები ოპოზიციის წინააღმდეგ აღმოიფხვრას.
