იმდენად ცუდი კანდიდატურები იყო დასახელებული, რომ სასიამოვნოდ გაგვიკვირდა, - ასე გამოეხმაურა "ნაციონალური მოძრაობის" წევრი, რომან გოცირიძე ქვეყნის მთავარ აუდიტორად ირაკლი მექვაბიშვილის კანდიდატურის წარდგენას.
მისი თქმით, ახლა მთავარია, რამდენად იქნება მექვაბიშვილი დამოუკიდებელი, პრინციპული და დაემორჩილება თუ არა მთავრობის ზეწოლას.
"იმდენად ცუდი კანდიდატურები იყო დასახელებული, რომ სასიამოვნოდ გაგვიკვირდა. ესა არის ადამიანი, რომელიც მუშაობდა საბანკო სისტემაში და მას აქვს ევროპის რეკონსტრუქციისა და განვითარების ბანკში მუშაობის 8 წლიანი გამოცდილება, ამიტომ ეს იძლევა დამაიმედებელ საფუძველს",- განაცხადა რომან გოცირიძემ.
