ბოლო ორი კვირის განმავლობაში მიანმარიდან ბანგლადეშში 270 ათასამდე ლტოლვილი გადავიდა. საგანგაშო სტატისტიკა გაეროს ლტოლვილთა საქმეების კომისარიატმა გამოაქვეყნა. დაპირისპირება მიანმარის სახელისუფლო ძალებსა და ადგილობრივ მუსლიმ როჰინჯებს შორის რაკჰაინის რაიონში 25 აგვისტოს დაიწყო. შეტაკებებს 400-ზე მეტი ადამიანი ემსხვერპლა. მუსლიმები მიანმარის ხელისუფლებას გენოციდში ადანაშაულებენ.
