ნაციონალური შერიგების გზაზე მყოფ კოლუმბიას რომის პაპმა პირველ რიგში შირისძიებაზე უარის თქმა ურჩია. საგანგებო მიმართვა რომის კათოლიკური ეკლესიის წინამძღოლმა ბოგოტაში გამართული მესის დასრულების შემდეგ გააკეთა. მანამდე კი პონტიფიკოსი ქვეყნის პრეზიდენტს, ხუან მანუელ სანტოსს პირადად შეხვდა. ნახევარ საუკუნოვანი კონფლიქტის დასრულების და შერიგების შესახებ შეთანხმებას დაპირისპირებულა მხარეებმა ხელი გასულ წელს მოაწერეს. შეიარაღებულ კონფლიქტს კოლუმბიაში 220 ათასი ადამიანის სიცოცხლე ემსხვერპლა.
