მე მაქვს პრეტენზია, რომ უკრაინის ხელისუფლებაში მოვიყვანოთ სრულიად ახალი თაობა, - ამის შესახებ საქართველოს ყოფილმა პრეზიდენტმა მიხეილ სააკაშვილმა ,,რუსთავი 2“ - თან ინტერვიუში განაცხადა. მისი თქმით უკრაინის პრეზიდენტს მისი პოპულარობის ეშინია.
„უკრაინა არის უზარმაზარ წუმპეში და იქიდან არის ამოსაყვანი. ჩვენ მას იქიდან ამოვიყვანთ. მე არ მაქვს პრეტენზია უკრაინის ლიდერობაზე, იყო პერიოდები, როცა ყველაზე პოპულარული პოლიტიკოსი ვიყავი უკრაინაში და ახლაც ვვარაუდობ, რომ საკმაოდ მაღალი პოპულარობა მაქვს. მაგრამ, მე მაქვს პრეტენზია, რომ უკრაინის ხელისუფლებაში უნდა მოვიყვანოთ სრულიად ახალი თაობა, ახალი პოლიტიკოსების და ეს იქნება ის ხალხი, ვინც უკრაინას აქცევს ევროპის ზე სახელმწიფოდ,“ - განაცხადა მიხეილ სააკაშვილმა.
ოდესის ყოფილი გუბერნატორი ამბობს, რომ პეტრო პოროშენკო საქართველოში ვიზიტის ფარგლებში, ყოფილ პრემიერს ბიძინა ივანიშვილს მოელაპარაკა სწორედ იმის თაობაზე, რომ მისთვის მოქალაქეობის ჩამორთმევას აპირებდა.
