ბრიუსელი ჩრდილოეთ კორეის წინააღმდეგ სანქციების პაკეტს შეიმუშავებს. ამის შესახებ ევროკავშირის საგარეო პოლიტიკის კოორდინატორმა განაცხადა. ფედერიკა მოგერინის თქმით, ის ფხენიანისთვის სანქციების გამკაცრების ინიციატივით დღეს ევროკავშირის წევრი ქვეყნების პირველ დიპლომატებს მიმართავს. მისივე განცხადებით, სამხედრო კონფრონტაციის თავიდან ასაცილებლად ფხენიანზე უფრო მეტი ეკონომიკური და დიპლომატიური ზეწოლაა საჭირო.
