ქარიშხალი ირმა ლივარდის კუნძულებიდან დაიძრა და ბარბუდას გადაუარა. პრემიერ გასტონ ბრაუნის თქმით, სტიქიით მიყენებული ზარალი 150 მილიონ დოლარს აჭარბებს. სინოპტიკოსები აცხადებენ, რომ მეხუთე კატეგორიის შტორმი ერთ-ერთი ყველაზე ძლიერი და საშიშია. ამერიკის ქარიშხლების შემსწავლელი ეროვნული ცენტრის ცნობით, ქარიშხალი მაღალ კატეგორიას კიდევ რამდენიმე დღე შეინარჩუნებს. ვრცელდება ინფორმაცია მსხვერპლის შესახებაც. ფლორიდის შტატში სამი ადამიანი დაიღუპა. არიან დაშავებულებიც. ქარიშხალ ირმას მსხვერპლი მოჰყვა პუერტო რიკოშიც. დაღუპულია 7 ადამიანი. ქარიშხალს კვირის ბოლოსკენ დომინიკის რესპუბლიკაში, ჰაიტისა და ბაჰამის კუნძულებზეც ელიან.
