„აზოვის ეროვნულმა ბატალიონმა“ განცხადება გაავრცელა, სადაც ნათქვამია, რომ ის უარყოფს მიხეილ სააკაშვილის განცხადებას, რომ ბატალიონი უკრაინის დასავლეთ საზღვარზე გადაისროლეს, რათა ქვეყანაში მის დაბრუნებას ხელი შეუშალონ.
„აზოვის“ პოლკი არასოდეს ტოვებს ანტიტერორისტული ოპერაციის ზონას“, - ნათქვამია განცხადებაში.
„აზოვის ბატალიონი“ სააკაშვილისგან ამ ინფორმაციის უარყოფას და ბოდიშის მოხდას ითხოვს. 5 სექტემბერს მიხეილ სააკაშვილმა განაცხადა, რომ უკრაინის ხელისუფლება პროვოკაციებს ამზადებს და სამხედრო ტექნიკა გააგზავნა „კრაკოვეცის“ გამშვები პუნქტისკენ, რომლის გავლითაც ის 10 სექტემბერს უკრაინაში დაბრუნებას გეგმავს.
,,აზოვის" სპეციალური ძალები 2014 წლის მაისში მარიუპოლში ჩამოყალიბდა, როგორც უკრაინის შინაგან საქმეთა სამინისტროს საპატრულო პოლიციის ბატალიონი, რომელიც უკრაინის ეროვნული გვარდიის შემადგენლობაში შევიდა.
