ხელისუფლებას არ აინტერესებს ქართველი ხალხის, ქართული პარტიების და არასამთავრობო სექტორის აზრი, მათ აინტერესებთ ერთადერთი რამ, როგორმე უზრუნველყონ თავიანთი ყოფნა ხელისუფლებაში კონსტიტუციის მეშვეობით, - ამის შესახებ "ნაციონალური მოძრაობის“ ერთ-ერთმა ლიდერმა, რომან გოცირიძემ ჟურნალისტებს განუცხადა.
მისი თქმით, ვენეციის კომისიის უგულებელყოფით, ხელისუფლება ვა-ბანკზე მიდის.
”ხელისუფლება ვენეციის კომისიის აზრის იგნორირებას ახდენს. ფაქტობრივად, ისინი მიდიან ვა - ბანკზე. ხელისუფლებას არ აინტერესებს ქართველი ხალხის, ქართული პარტიების და არასამთავრობო სექტორის აზრი. მათ აინტერესებთ ერთადერთი რამ, როგორმე უზრუნველყონ თავიანთი ყოფნა ხელისუფლებაში კონსტიტუციის მეშვეობით. ეს არის ძალადობა კანონზე. ეს არის დემოკრატიის უგულებელყოფა და ხელისუფლება მიდის სახიფათო გამოწვევებზე. მათ აინტერესებთ ერთადერთი რამ - საკუთარ თავზე მოირგონ საარჩევნო კანონი, საკუთარ თავზე მოირგონ კონსტიტუცია", - განაცხადა რომან გოცირიძემ.
