გამარჯვების შემთხვევაში, ადგილობრივი ხელისუფლებიდან აქტიურად ვიბრძოლებთ საკანონმდებლო ცვლილებებზე, რომელიც მუნიციპალურ ბიუჯეტებს 5 წელიწადში გააორმაგებს და ასევე გაიზრდება მისი წილი საერთო საბიუჯეტო სახსრებში, - ამის შესახებ "შენების მოძრაობის" თბილისის მერობის კანდიდატმა თენგიზ შერგელაშვილმა განაცხადა.
მისი თქმით, "ქართული ოცნება" პოლიტიკური თვითმმართველობების დაფინანსებას ამცირებს.
"ერთ-ერთ რეგიონში სტუმრობისას პრემიერ-მინისტრმა განაცხადა, რომ თვითმმართველობების დაფინანსება გაორმაგდება მომავალი 10 წლის განმავლობაში, რაც თითქოს მუნიციპალიტეტების ფინანსურ გაძლიერებაზე მიგვანიშნებს. არადა, თვითმმართველობების დაფინანსება ქვეყანაში ისედაც ბიუჯეტის ზრდის პარალელურად იზრდება. თუმცა, დაფინანსების ზრდა არ ნიშნავს, რომ ეს აისახება მუნიციპალიტეტების ფინანსურ დამოუკიდებლობაზე, რის გარეშეც შეუძლებელია ქალაქებსა და სოფლებში მოსახლეობის ყოფითი გარემოს არსებითი გაუმჯობესება. ამის დასტურია ის ფაქტი, რომ თვითმმართველობის დაფინანსება გასული 8 წლის განმავლობაშიც გაორმაგდა. გამარჯვების შემთხვევაში, ადგილობრივი ხელისუფლებიდან აქტიურად ვიბრძოლებთ საკანონმდებლო ცვლილებებზე, რომელიც მუნიციპალურ ბიუჯეტებს 5 წელიწადში გააორმაგებს და ასევე გაიზრდება მისი წილი საერთო საბიუჯეტო სახსრებში", - განაცხადა თენგიზ შერგელაშვილმა.
