ბაქოში აზერბაიჯანი-საქართველო-თურქეთის მინისტერიალი გაიმართება. შეხვედრაში მონაწილეობას ქვეყნების საგარეო საქმეთა მინისტრები მიიღებენ.
საუბარი გეოპოლიტიკური თანამშრომლობის საკითხებს, მათ შორის ეკონომიკურ, ენერგეტიკულ და სატრანსპორტო პროექტებს შეეხება. აზერბაიჯანში ხაზს უსვამენ იმ გარემოებას, რომ მალე ბაქო-თბილისი-ყარსის სარკინიგზო მაგისტრალი ამოქმედდება, რაც ქვეყნებს შორის კავშირებს კიდევ უფრო გაამყარებს.
მსგავს ფორმატში შეხვედრებს საფუძველი 2012 წელს ჩაეყარა, როდესაც მინისტერიალი თურქეთში, ქალაქ ტრაბზონში გაიმართა.
