ევროკავშირში შესაძლოა შიდა საზღვრებზე მუდმივი კონტროლი დაწესდეს. ამის შესახებ ევროკომისარმა დიმიტრის ავრამოპულოსმა განაცხადა. მისი თქმით, საზღვრებზე კონტროლის დაწესება უსაფრთხოების თვალსაზრისით ევროპაში შექმნილი ვითარებით არის განპირობებული. ბრიუსელში განმარტავენ, რომ გახშირებული ტერორისტული თავდასხმების ფონზე ახალი რეგუალციების ამოქმედება მოქალაქეების დაცვას ისახავს მიზნად. ევროკავშირის ქვეყნებში საზღვრებზე კონტროლი პირველად 2015 წელს, მიგრანტთა კრიზისის გამო დაწესდა.
