მედიის წარმომადგენლებმა მექსიკის დედაქალაქში ჟურნალისტების მკვლელობა გააპროტესტეს. ისინი მთავრობის სახლთან შეიკრიბნენ და მოკლული ჟურნალისტების ფოტები შენობის შესასვლელთან გამოფინეს. სამი დღის წინ ვერაკრუსის შტატში კორესპონდენტი კანდიდო რიოსი და მასთან ერთად მყოფი 2 პირი მოკლეს. დაღუპული ჟურნალისტის კოლეგები აცხადებენ, რომ 2012 წლიდან რიოსი მუდმივად იღებდა მუქარის ანონიმურ წერილებს. 2017 წელს მექსიკაში 10 ჟურნალისტი მოკლეს.
