უკრაინამ რუსეთთან სასაზღვრო კონტროლი გაამკაცრა. ახალი რეგულაციით, საზღვრის გადაკვეთის უფლება რუსეთის იმ მოქალაქეებს მიეცემათ, რომლებსაც ბიომეტრიული პასპორტები აქვთ. გარდა ამისა, მათ სპეციალურ ანკეტასაც შეავსებინებენ, სადაც საკუთარი პროფესია, სამუშაო ადგილი და ვიზიტის მიზანი უნდა მიუთითონ. უკრაინაში შესვლის მსურველებმა ქვეყნის საგარეო საქმეთა უწყება საქმის კურსში ერთი თვით ადრე უნდა ჩააყენონ. ანკეტა მათ უკრაინულ ან ინგლისურ ენაზე უნდა შეავსონ.
