საქართველო პარლამენტმა საგანგებო სიტუაციაზე რეაგირების მიზნით საქართველოს სამხედრო ძალების გამოყენების შესახებ პრეზიდენტის ბრძანება დაამტკიცა.
გადაწყვეტილება დღეს რიგგარეშე სხდომაზე მიიღეს. პრეზიდენტის ბრძანებას მხარი 116-მა დეპუტატმა დაუჭირა. წინააღმდეგ არც ერთი წასულა.
პრეზიდენტის ბრძანება პარლამენტის რიგგარეშე სხდომაზე პრეზიდენტის საპარლამენტო მდივანმა ანა დოლიძემ წარადგინა.
ცნობისთვის, საქართველოს პრემიერმინისტრმა გიორგი კვირიკაშვილმა პრეზიდენტ გიორგი მარგველაშვილს ქვეყნის რეგიონებში გაჩენილი ხანძრის ლიკვიდაციის მიზნით, „სამხედრო ძალების გამოყენების წარდგინებით” მიმართა. გიორგი მარგველაშვილმა საგანგებო სიტუაციაზე რეაგირების მიზნით, საქართველოს სამხედრო ძალების გამოყენების შესახებ ბრძანება უკვე გამოსცა.
