ბორჯომის ხეობაში გაჩენილი ხანძრის სალიკვიდაციო სამუშაოებში აზერბაიჯანელი და სომეხი მეხანძრეებიც ჩაერთვნენ.
რეგიონული განვითარებისა და ინფრასტრუქტურის მინისტრის ზურაბ ალავიძის განცხადებით, აზერბაიჯანიდან და სომხეთიდან 70-70 მაღალკვალიფიციური, დატრენინგებული, პროფესიონალი მაშველი ჩამოვიდა თავისი ტექნიკით და ისინიც ერთვებიან ამ ოპერაციაში.
შეგახსენებთ, სომხეთმა ცოცხალი ძალის გარდა საქართველოს დასახმარებლად 13 ერთეული სახანძრო–სამაშველო ტექნიკა, აქედან 4 მაღალი გამავლობის მანქანაც გამოყო.
ბორჯომის ხეობაში ხანძრის სალიკვიდაციო სამუშაოები 24-საათიან რეჟიმში გრძელდება. დილიდან მუშაობა განაახლა 5-მა ვერტმფრენმა, ასევე სამუშაოებში უკვე ჩაერთო თურქეთიდან გამოგზავნილი სამაშველო თვითმფრინავიც.
