"გირჩის" მიერ წარმოდგენილი რეკვიზიტები კანონთან შეუსაბამო იყო, -ამის შესახებ ცესკო-ს სპიკერმა, ანი მიქელაძემ განაცხადა.
მისი თქმით, წარმოდგენილი 27 990 ხელმოწერიდან, მხოლოდ 13 იყო კანონთან შესაბამისი, ამიტომ მიქელაძის განმარტებით, პარტიას 18:00 საათამდე აქვს ვადა, რომ ხარვეზები გამოასწოროს.
„გირჩმა“ წარმოადგინა პარტიის რეგისტრაციის მიზნით მხარდამჭერთა სიებიი. ცესკო-ს სპეციალური ბლანკის ნიმუში აქვს დადგენილი და ეს ნიმუში გადაეცა პარტიას შესავსებად. ამ კონკრეტულ შემთხვევაში, ბათილად იქნა ცნობილი ყველა ის ხელმოწერა, სადაც პასუხისმგებელი პირის მიერ ხელმოწერილი დოკუმენტაცია იყო არასწორად მითითებული. „გირჩის“ შემთხვევაში, არ იყო სწორად მითითებული ზუსტი რეკვიზიტები, ისე როგორც არის საქართველოს კანონმდებლობაში მითითებული, შესაბამისად, ბათილად იქნა ცნობილი. მათ წარმოადგინეს 27 990 ხელმოწერა და აქედან კანონთან შესაბამისი მხოლოდ 13 აღმოჩნდა“,- განაცხადა მიქელაძემ.
