მოვუწოდებ მერიას, გაჩერებული 50-მდე ლურჯი ავტობუსი გამოიყვანოს, - ამის შესახებ თბილისის მერობის დამოუკიდებელმა კანდიდატმა ალეკო ელისაშვილმა განაცხადა.
მისი თქმით, ახალი 143 ლურჯი ავტობუსიდან თბილისის მერია მხოლოდ ნაწილს იყენებს. 50-მდე ავტობუსი კი თბილისის სატრანსპორტო კომპანიის ნომერ მეორე ავტობაზაზე ამ დრომდე უფუნქციოდ დგას.
"მერიას ჩემოყვანილი ავტობუსების მხოლოდ ნაწილი გამოყავს. თბილისის მერიას არ ადარდებს, რომ ხალხი ამ სიცხეში იხრუკება. მისცენ მითითება, რომ გამოიყვანონ ყველა ავტობუსი. მოვუწოდებ ნარმანიას, მორჩეს ამ წინასაარჩევნო მაიმუნობებს", - განაცხადა ელისაშვილმა.
