ლიტვის საგარეო საქმეთა სამინისტრო რუსეთ-საქართველოს ომის შესახებ განცხადებას ავრცელებს.
როგორც განცხადებაში ლიტვის საგარეო უწყება აღნიშნავს, ომის დასრულებიდან 9 წლის შემდეგ, რუსეთს არ შეუსრულებია ე.წ. ექვსპუნქტიანი სამშვიდობო გეგმა.
ლიტვა მოუწოდებს რუსეთს, შეასრულოს ექვსპუნქტიანი გეგმით გათვალისწინებული ვალდებულებები, შეწყვიტოს საქართველოს სუვერენიტეტის დარღვევა და პატივი სცეს საქართველოს ტერიტორიულ მთლიანობას.
”დღეს კვლავ ოკუპირებულია რუსეთის მიერ აფხაზეთი და სამხრეთ ოსეთი, საქართველოს რეგიონები. რუსეთი განაგრძობს ამ რეგიონების მცოცავ ანექსიას, მავთულხლართების აღმართვას და ე.წ. საზღვრით გამოყოფას. საქართველოს ოკუპირებულ რეგიონებთან ხელმოწერელია ე.წ. ხელშეკრულბები მათი შემდგომი სამხედრო ეკონომიკური და სოციალური ინტეგრაციის კუთხით; სისტემატურად ირღვევა ადამიანის უფლებები საქართველოს ამ რეგიონებში და შეუძლებელია საერთაშორისო მონიტორინგის განხორციელება. კიდევ ერთხელ მოვუწოდებთ რუსეთს, შეასრულოს ექვსპუნქტიანი გეგმით გათვალისწინებული ვალდებულებები, შეწყვიტოს საქართველოს სუვერენიტეტის დარღვევა და პატივი სცეს საქართველოს ტერიტორიულ მთლიანობას",- ნათქვამია განცხადებაში.
