სახელმწიფო აუდიტის სამსახური შეისწავლის თითქმის ყველა შემოწირულობას, რომელიც შეადგენს რამდენიმე ათას ლარს, - ამის შესახებ გენერალური აუდიტორის მოვალეობის შემსრულებლმა, ნინო ლომჯარიამ განაცხადა. მისი თქმით, პარტიების აქტიური შემოწირულობები დაახლოებით ივლისის ბოლოს დაიწყო, მანამდე არსებითი შემოწირულობები არ ყოფილა.
ჩვენ თითქმის ყველა შემოწირულობასთან მიმართებაში, რომელიც აჭარბებს რამდენიმე ათას ლარს, დავიწყებთ მათ გადამოწმებას, რათა დავადგინოთ, რამდენად ჰქონდა შემომწირველს შესაბამისი მატერიალური რესურსი და ფინანსური ბრუნვა იმისთვის, რომ დავადგინოთ შემოწირულობის წარმომავლობა და გვქონდეს შესაბამისი რეაგირება. ამ ეტაპის მდგომარეობით, ყველაზე დიდი შემოწირულობები აქვს “ქართულ ოცნებას”, შემდეგ არის “ევროპული საქართველო” და “გირჩი”. დანარჩენ პარტიებთან მიმართებაში შემოწირულობები უმნიშვნელოა. ამ სამი პარტიის შემომწირველების მიმართ უკვე დავიწყეთ მოკვლევა”, - განაცხადა ლომჯარიამ.
მისივე თქმით, დადგენილი ლიმიტის, რომელიც ფიზიკურ პირზე შეადგენს 60 ათას ლარს და იურიდიულ პირზე 120 ათას ლარს, გადაჭარბება არ ყოფილა.
