„ერთიანი ნაციონალური მოძრაობის“ წევრები ჯანდაცვის მინისტრ დავით სერგეენკოს გადადგომას ითხოვენ.
ისინი სერგეენკოს გუშინდელ განცხადებას აპროტესტებენ, რომელშიც მან აღნიშნა, რომ არანაირი მცოცავი ოკუპაცია არ არის.
ენმ-ის წევრებმა ჯანდაცვის სამინისტროსთან სიმბოლურად მავთულხლართები გააბეს.
არანაირი ახალ საზღვრებზე გადმოწევა არ ხდება, - ასე უპასუხა დავით სერგეენკომ ჟურნალისტის კითხვას მცოცავ ოკუპაციაზე.
"ძალიან ხშირად, სამწუხაროდ, ამ ქმედებების აღწერისას გამოიყენება ტერმინი მცოცავი ოკუპაცია, რომელიც თავის საფუძვლით არ არის სწორი. ეს არანაირი მცოცავი და ეტაპობრივი არ არის, ეს არის, სამწუხაროდ, იმ ფარგლების, იმ საზღვრების დადგენა, რომელსაც 2008 წელს, ძალიან სამწუხაროდ, ლეგიტიმაცია გაუკეთა მაშინდელმა მთავრობამ. არანაირი ახალ საზღვრებზე გადმოწევა არ ხდება",- განაცხადა მინისტრმა.
ფოტო: საზოგადოებრივი
