მინდა, პირადად ბატონ მაიკ პენსს და აშშ-ის ადმინისტრაციას ასეთი ხმამაღალი და მკაფიო მხარდაჭერისთვის დიდი მადლობა გადავუხადო,“ - ეს განცხადება საქართველოს პრემიერმინისტრმა, გიორგი კვირიკაშვილმა მთავრობის დღევანდელ სხდომაზე გააკეთა. მან აშშ-ის ვიცე პრეზიდენტის მაიკ პენსის საქართველოში ვიზიტის მნიშვნელობაზე ისაუბრა და ამერიკის შეერთებული შტატების თეთრი სახლის ადმინისტრაციას მხარდაჭერისთვის მადლობა გადაუხადა.
„ხაზგასმით აღვნიშნავ, რამდენად მნიშვნელოვანია, როდესაც პირველი, მთავარი სტრატეგიული პარტნიორის - აშშ-ის ვიცე პრეზიდენტი ასეთ მკაფიო მხარდაჭერას უცხადებს ჩვენს ქვეყანას, ჩვენი ქვეყნის ტერიტორიულ მთლიანობასა და საგარეო პრიორიტეტულ მისწრაფებებს,“ - განაცხადა გიორგი კვირიკაშვილმა.
პრემიერმა ხაზი გაუსვა, როგორც საქართველოს ეკონომიკური და დემოკრატიული განვითარების პროცესის მნიშვნელობას, ისე ქვეყანაში სტაბილურობისა და უსაფრთხოების შენარჩუნების საკითხს. მისი აზრით, განვითარება საქართველოს ტერიტორიული მთლიანობის აღდგენაში დაეხმარება.
