ამერიკის ვიცეპრეზიდენტმა რუსეთი ბალკანეთში ვითარების დესტაბილიზაციასა და მონტენეგროში პუტჩის მცდელობაში დაადანაშაულა. საგანგებო განცხადება მაიკ პენსმა პოდგორიცაში ადრიატიკის ქარტიის სხდომაზე გააკეთა.
„რუსეთი განაგრძობს საერთაშორისოდ აღიარებული საზღვრების ძალისმიერი გზით შეცვლის მცდელობას, მათ შორის, აქაც, ბალკანეთშიც. გასულ წელს მოსკოველმა აგენტებმა სცადეს მონტენეგროს არჩევნები ჩაეშალათ. მათ პარლამენტზე თავდასხმა და პრემიერის მოკვლაც სურდათ, რათა მონტენეგროსნატოში გაწევრიანებისთვის ხელი შეეშალათ,“-აღნიშნა პენსმა.
