ჯონ მაქქეინი პუტინის გადაწყვეტილებას ეხმაურება. გავლენიანი რესპუბლიკელი სენატორის თქმით, რუსეთში ამერიკის დიპლომატიური მისიის თანამშრომელთა შემცირება მისთვის მოულოდნელი არ ყოფილა. „გასაკვირი არაა, რომ პუტინი ამერიკელ დიპლომატებს ქვეყნიდან აძევებს, თუმცა ის და მისი თანაგუნდელები აუცილებლად აგებენ პასუხს ჩვენს დემოკრატიაზე თავდასხმისთვის,“-აღნიშნა მაქქეინმა. კრემლის ლიდერის გადაწყვეტილებით, ამერიკული დიპლომატიური მისიის 755 თანამშრომელმა რუსეთი უნდა დატოვოს.
