შეერთებულმა შტატებმა ვენესუელის პრეზიდენტს, ნიკოლას მადუროს სანქციები დაუწესა. ფინანსთა სამინისტროს განცხადებით, ყველა საბანკო ანგარიში, რომელიც მადუროს შტატებში ჰქონდა გახსნილი, გაიყინა. პარალელურად კი ვენესუელის პრეზიდენტთან საქმიანი ურთიერთობა აეკრძალათ აშშ მოქალაქეობის მქონე პირებს. სანქციების მიზეზი ვენესუელაში ბოლო თვეებში განვითრებული მოვლენები გახდა. შტატებში მიაჩნიათ, რომ მადურო ბოლო პერიოდის განმავლობაში უხეშად არღვევს დემოკრატიის პრინციპებს, თავისუფლებას და კანონის უზენაესობას.
