"ნაციონალური მოძრაობა" ამერიკის ვიცე პრეზიდენტთან შეხვედრაზე მიხეილ სააკაშვილის დევნის საკითხზე გეგმავს საუბარს. ნაციონალური მოძრაობის წევრის, სალომე სამადაშვილის განცხადებით, ეს ვიზიტი არის დადასტურება, რომ ამერიკის შეერთებული შტატები რჩება საქართველოს სტრატეგიულ პარტნიორად.
,,ჩვენთვის გადამწყვეტია, ანექსიის საკითხი რაც შეიძლება მნიშვნელოვნად იყოს წარმოდგენილი ამერიკის და რუსეთის დიალოგში, იმისთვის, რომ რუსეთმა იგრძნოს პოლიტიკური ზეწოლა აშშ-სგან. ვაპირებთ, გავუზიაროთ ის საფრთხეები, რომლებიც დგას საქართველოს წინაშე დემოკრატიის განვითარების თვალსაზრისით. რა თქმა უნდა, ვისაუბრებთ იმაზეც, რომ პოლიტიკური დევნა არის ის, რა მეთოდებითაც ებრძვის ხელისუფლება პოლიტიკურ ოპოზიციას. ვისაუბრებთ იმაზე, რომ მიხელ სააკაშვილი უკვე მეორედ გახდა პოლიტიკური დევნის მსხვერპლი ოლიგარქიული პოლიტიკური რეჟიმის მხრიდან", - განაცხადა სალომე სამადაშვილმა.
