ვიცე-პრეზიდენტის ვიზიტი არის განაკუთრებით მნიშვნელოვანი გზავნილი ოკუპანტისთვის, - ამის შესახებ პრეზიდენტის ადმინისტრაციის უფროსმა გიორგი აბაშიშვილმა საქართველოში ამერიკის ვიცე-პრეზიდენტის ვიზიტის შეფასებისას განაცხადა.
მისი თქმით, ეს არის მესიჯი, რომ რუსებს არასოდეს არ შერჩებათ ის ქმედებები და პოლიტიკა, რომელსაც ახორციელებენ სუვერენული ქვეყნების, საქართველოს წინააღმდეგ.
"ვიცე-პრეზიდენტის ვიზიტი არის განაკუთრებით მნიშვნელოვანი გზავნილი ოკუპანტისთვის, იმ ფონზე, როცა მიმდინარეობს მცოცავი ოკუპაცია. ეს არის მესიჯი, რომ არასოდეს არ შერჩებათ ის ქმედებები და პოლიტიკა, რომელსაც ახორციელებენ სუვერენული ქვეყნების, საქართველოს წინააღმდეგ", - განაცხადა აბაშიშვილმა, რომელმაც აქვე აღნიშნა, რომ მაიკ პენსი და გიორგი მარგველაშვილი ხვალ სამხედროებს სიტყვით მიმართავენ.
