ცნობაზე, რომლის საფუძველზეც მოქალაქეობა ჩამომართვეს, ჩემი ხელმოწერა გაყალბებულია, - ამის შესახებ საქართველოს ყოფილმა პრეზიდენტმა და ოდესის ყოფილი გუბერნატორმა მიხეილ სააკაშვილმა Facebook-ზე დაწერა.
„იმ ცნობის კოპია ვნახე, რომლის საფუძველზეც უკრაინის პრეზიდენტმა მოქალაქეობა ჩამომართვა. მთელი პასუხისმგებლობით ვაცხადებ, რომ ეს ჩემი ხელმოწერა არ არის და ცნობაც მე არ შემივსია,“- წერს სააკაშვილი. მისივე თქმით, გრაფიკული ექსპერტიზის ჩატარებას მოითხოვს, რადგან სისხლის სამართლის დანაშაული მოხდა.
სააკაშვილი ამასთანავე აქვეყნებს ფოტოებს, სადაც მისი ხელმოწერაა გამოსახული.
