ნახევარი მილიონი გვიჯდება ქალაქს, მერიაში პიარშიკების და საარჩევნო სპეციალისტების დასაქმება, - ამის შესახებ "ევროპული საქართველოს" თბილისის მერობის კანდიდატმა ელენე ხოშტარიამ განაცხადა, რომელიც "კურიერში" გაჟღერებულ ინფორმაციას, დავით ნარმანიას მიერ მერიაში ერთ დღეში 600-ზე მეტი ადამიანის დასაქმებას გამოეხმაურა.
მისი თქმით, გამოჩნდა, რომ ნარმანია საერთოდ არ ფლობს სიტუაციას და მთელი დღის განმავლობაში უბრალოდ არ იცის რა ხდება მიერ მერიაში და პასუხი ვერ გასცა ამ საკითხს.
„ამ კონკრეტულ შემთხვევაში, იყო ეს ხელშეკრულებით გადაყვანა, თუ კანონიდან გამომდინარე იყო, ამას არსებითი მნიშვნელობა არ აქვს. გუშინ გამოჩნდა, რომ ნარმანია საერთოდ არ ფლობს სიტუაციას და მთელი დღის განმავლობაში უბრალოდ არ იცის რა ხდება მიერ მერიაში და პასუხი ვერ გასცა ამ საკითხს. ის, რომ მერია დღეს არის ძალიან გაბერილი, ბევრი ფული იხარჯება ბიუროკრატიაზე, ეს არის ცალსახა და არის ხალხის ფულის არასწორად, უსამართლოდ ხარჯვა. კონკრეტული ფაქტი არსებობს, რომ ჩვენ ნახევარი მილიონი გვიჯდება ქალაქს, მერიაში პიარშიკების და საარჩევნო სპეციალისტების დასაქმება, რაც მოხდა ახლა, საარჩევნოდ“, - განაცხადა ხოშტარიამ.
