მიხეილ სააკაშვილის საქართველოსთვის გადმოცემის მოთხოვნა ძალაშია, - ამის შესახებ საქართველოს სოფლის მეურნეობის მინისტრმა ლევან დავითაშვილი მთავრობის სხდომის დასრულების შემდეგ განაცხადა.
მისი თქმით, სააკაშვილი გაკოტრებული პოლიტიკური ფიგურაა.
"ჩვენთვის, პოლიტიკურად თუ შევხედავთ, ის არის გაკოტრებული პოლიტიკური ფიგურა, დანარჩენი საკითხი გადაცემის ნაწილში არის მთლიანად იურიდიული დეტალი, რომელიც, რა თქმა უნდა, სამართალდამცავებმა უნდა მოაგვარონ. უფრო კომპეტენტურები ამ საკითხში, თუ როგორი იქნება სამართლებრივი პროცედურები, რა თქმა უნდა, არიან სამართალდამცავი უწყებები. რაც შეეხება საქართველოს მხრიდან გადმოცემის საკითხს, რამდენადაც მე მაქვს ინფორმაცია, საქართველოს ეს საკითხი დასმული აქვს ჯერ კიდევ 2014 წელს და შემდგომ დამატებითი ინფორმაცია 2015 წელს არის წარდგენილი. ასე რომ, ძალაშია საქართველოს მოთხოვნა, დანარჩენი არის უკრაინელი სამართალდამცავების გადასაწყვეტი", - განაცხადა ლევან დავითაშვილმა.
