ჩვენ პროფესიონალებით დაკომპლექტებული გუნდი გვყავს, - ასე გამოეხმაურა თბილისის მერი დავით ნარმანია NDI-ის კვლევის იმ ნაწილს, რომელშიც ნათქვამია, რომ მოსახლეობის უმრავლესობა თბილისის მერიაში კორუფციისა და ნეპოტიზმის არსებობას ეთანხმება.
როგორც ნარმანიამ აღნიშნა, კატეგორიულად ვერ დაეთანხმება იმ აზრს, რომ მერიაში არაპროფესიონალები მუშაოებენ.
„ჩვენ პროფესიონალებით დაკომპლექტებული გუნდი გვყავს. სწორედ ამან მოგვცა საშუალება, ქალაქში გვყოლოდა ახალი ავტობუსები, გვეშენებინა ძალიან ბევრი ახალი გზა, გაგვეკეთებინა ახალი საბავშვო ბაღები, გვემართა ძალიან წარმატებულად ახალი ჯანდაცვისა და სოციალური უზრუნველყოფის პროგრამები. რაც შეეხება კორუფციას, თუკი სადმე ერთეული შემთხვევები იყო, ძალიან წარმატებულად მუშაობდნენ სამართალდამცველი ორგანოები და არცერთი ფაქტი რეაგირების გარეშე არ დარჩენილა“, - განაცხადა თბილისის მერმა.
