"პრეზიდენტის მოტივირებული შენიშვნების განსახილველად პარლამენტი რიგგარეშე ფორმატში ქუთაისში ოთხშაბათს შეიკრიბება", - ამის შესახებ ბიუროს დღევანდელ სხდომაზე პარლამენტის თავმჯდომარემ ირაკლი კობახიძემ განაცხადა.
წინასწარი ინფორმაციით, მმართველი გუნდი ვეტოების დაძლევას აპირებს.
"საბოლოო პოზიცია გვექნება მას შემდეგ, რაც მოტივირებულ შენიშვნებს კომიტეტების სხდომებზე განვიხილავთ. რაც შეეხება იმას, რომ ვეტო პოლიტიკური პოზიციის დაფიქრების საშუალებაა, ეს ასე არაა. ვეტო პრეზიდენტმა მხოლოდ უკიდურეს შემთხვევებში უნდა გამოიყენოს", - აცხადებს ეკა ბესელია.
საქართველოს პრეზიდენტმა გასულ კვირას ვეტო სამ კანონს დაადო, აქედან ერთი თვითმმართველობის კოდექსია, ორი კი საარჩევნო კანონი.
ირაკლი კობახიძე საპარლამენტო კომიტეტებს მოუწოდებს ყურადღებით გაეცნონ პრეზიდენტის მიერ წარმოდგენილ შენიშვნებს.
