საქართველოს პარლამენტის თავმჯდომარე, ირაკლი კობახიძე საპარლამენტო კომიტეტებს მოუწოდებს ყურადღებით გაეცნონ პრეზიდენტის მიერ წარმოდგენილ შენიშვნებს. როგორც ბიუროს სხდომაზე გახდა ცნობილი, ”ადგილობრივი თვითმმართველობის კოდექსსა” და ”საარჩევნო კოდექსში” შეტანილ ცვლილებებზე პრეზიდენტის მოტივირებული შენიშვნები შესაბამის წამყვან კომიტეტებს განსახილველად დაუბრუნდათ.
საარჩევნო კოდექსის ცვლილებები იურიდიულ საკითხთა კომიტეტს გადაეცა, ხოლო თვითმმართველობის კანონში შეტანილი ცვლილებები - თვითმმართველობის კომიტეტს.
გიორგი მარგველაშვილმა ვეტოს უფლებამოსილება პარლამენტის მიერ მიღებულ სამ კანონპროექტთან დაკავშირებით გამოიყენა.
