თბილისის ყოფილი მერის, ვანო ზოდელავას ჯანმრთელობის მდგომარეობა ამ დრომდე მძიმე რჩება. მას ცოტა ხნის წინ ტრეპანაცია ჩაუტარდა. ის რეანიმაციულ განყოფილებაშია მოთავსებული.
შეგახსენებთ, რომ ყოფილი მერი ავტოავარიაში გუშინ გვიან ღამით მოყვა. ის აზერბაიჯანიდან საქართველოში მოემართებოდა, რა დროსაც ქვემო ფონიჭალაში ავტოსაგზაო შემთხვევა მოხდა. ერთმანეთს სამი ავტომობილი - „ოპელის“, „მერსედესისა“ და „ჰონდას“ მარკის მანქანები შეეჯახა. ადგილზე გარდაიცვალა 35 წლამდე მამაკაცი, რომელიც „ოპელის“ მარკის ავტომობილს მართავდა.
ავარიის შესახებ ინფორმაცია სოციალური ქსელით "ბრავო რეკორდსის" დამფუძნებელმა ზაზა შენგელიამ გაავრცელა.
