19 წლის ანა ხელაძის მკვლელობაში ბრალდებულ რობერტ ახალაიას ბრალს სავარაუდოდ დღეს წაუყენებენ. ბიძაშვილის მკვლელობისთვის 22 წლის ახალგაზრდა მამაკაცი სამართალდამცავებმა გუშინ დააკავეს. შსს-ს მიერ გავრცელებული ინფორმაციით ბრალდებული ჩადენილ დანაშაულს აღაიარებს, დაკავებულის ადვოკატის, ოლგა გეჯაძის თქმით კი, ახალაია დუმილის უფლებით სარგებლობს.
„ჯერ ბრალი წაყენებული არ არის, დღეს საღამოს, ან ხვალ დილით წაუყენებენ. მეც ახლა ვეცნობი საქმის მასალებს. თავად ახალაია ჯერ საერთოდ არაფერზე საუბრობს, დუმილის უფლებით სარგებლობს. აღიარებითი ჩენება მოწმის სახით, ადვოკატის გარეშე აქვს მიცემული. ეს რამდენად სანდოა, ამას ვარკვევ,“- განუცხადა „ჯი-ეიჩ-ენს“ ოლგა გeჯაძემ.
