ფრანგული ავიაკომპანია Air France-KLM საკუთარ „ლოუკოსტერს“ აფუძნებს. ხანგრძლივი მოლაპარაკებების შემდეგ, რომელიც ავიაკომპანიის ხელმძღვანელობასა და პროფესიულ გაერთიანება SNLP-ს შორის მიმდინარეობდა, პროექტის განხორციელებას პილოტების 78%-მა დაუჭირა მხარი.

საუბარია „ლოუკოსტერ“ Boost-ის დაფუძნებაზე, რომელიც საკმაოდ დაბალი ტარიფებით არარენტაბელურ მიმართულებებზე განახორციელებს ფრენებს.

წინასწარი ინფორმაციით, კომოპანია 250 პილოტს გააერთიანებს. Air France- ის ადამიანური რესურსების ხელმძღვანელმა განაცხადა, რომ ავიაკომპანია მიზნად ისახავს მომდევნო სამი წლის განმავლობაში 250 პილოტის მოზიდვას.

იმავდროულად მათი ხელფასები 40%-ით დაბალი იქნება ვიდრე Air France-KLM -ს პილოტების ხელფასია.

ავიაკომპანიის ფლოტი შორმაგისტრალურ რეისებზე 10 ლაინერით იქნება წარმოდგენილი, ხოლო შიდა რეისებზე 18 ლაინერით.

პროგნოზის მიხედვით, წლის განმავლობაში მოგება 40 მლნ ევროს ფარგლებში იქნება.  

მენეჯმენტი იმედოვნებს, რომ  Boost-ის სერვისებით მგზავრები აქტიურად ისარგებლებენ.