უზნაძის ქუჩაზე მოკლული 19 წლის გოგონას, ანა ხელაძის ცხედარი ამ დრომდე პროზექტურაშია. გოგონას ექსპერტიზის შემდეგ დასავლეთში სავარაუდოდ დღეს გადაასვენებენ. ანა ხელაძე ყელგამოჭრილი გუშინ იპოვეს. მკვლელობაში ბრალდებული ახალგაზრდა მამაკაცი სამართალდამცავებმა გუშინვე დააკავეს. ის ანა ხელაძის ბიძაშვილია. მკვლელობის მოტივზე საუბარი უჭირთ მოკულის ახლობლებს. ისინი ბიძაშვილ-მამიდაშვილს შორის რაიმე სახის კონფქლიქტის არსებობას გამორიცხავენ.
„ჯი-ეიჩ-ენს“ ანა ხელაძის ახლობელი ესაუბრა.
„გოგონა სანამ სტუდენტი გახდებოდა, დედასთან ერთად ქუთაისში ცხოვრობდა. თბილისში ჯავახიშვილში, ეკონომიკურზე სწავლობდა, ერთ-ერთი გამორჩეული სტუდენტი იყო, 100 პროცენტიანი გრანტი ჰქონდა, კურსი უმაღლეს ქულებზე დახურა, სტიპენდიანტი, უნიჭიერესი გოგო იყო. ბიჭმა კი სწავლა დაამთავრა, გუშინ დიპლომი უნდა აეღო, ისიც კარგ სტუდენტად ითვლებოდა. თუ არ ვცდები, 21-22 წლის არის,“- ამბობს მოკლულის ახლობელი.
მას უჭირს მკვლელობის მიზეზებე საუბარი.
„მომხდარით თავზარდაცემულები ვართ. მკვლელობის მოტივის არანაირი ვერსია არ გაგვაჩნია. ერთად გაზრდილები არიან, თბილისშიც ერთად ცხოვრობდნენ დეიდის სახლში. კონფლიქტი არ ჰქონიათ, არც ეს ბიჭი ყოფილა რამე ისეთში შემჩნეული. ყველა შოკში ვართ. ანა დედისერთა, განსაკუთრებული გოგონა იყო. სწავლის პარალელურად სპორტით, ფარიკაობით იყო დაკავებული,“ - აცხადებს ხელაძის ახლობელი.
საქმეს შინაგან საქმეთა სამინისტრო სისხლის სამართლის კოდექსის 108-ე მუხლით იძიებს, რაც განზრახ მკვლელობას გულისხმობს.
