ინდოეთის რესპუბლიკის ორი მოქალაქის მიერ არასრულწლოვნების მიმართ ჩადენილი სექსუალური ხასიათის სხვაგვარი ქმედების საქმეზე სასამართლო პროცესი მიმდინარეობს.
აღსანიშნავია, რომ პროკურატურის მოთხოვნით პროცესი დაიხურა.
პროკურორების განცხადებით, არსებობს დაკავებულების მიმალვის და მოწმეებზე ზემოქმედების საფრთხე. ადვოკატის მტკიცებით, დაკავებულების მხრიდან არც მიმალვის და არც მოწმეებზე ზეწოლის საფრთხე არ არსებობს.
ადვოკატის განცხადებით, ინდოეთის მოქალაქეების დროებით საცხოვრებელ ბინაში მოზარდები იმ დღეს საერთოდ არ ყოფილან და დაკავებულების წინააღმდეგ ბრალდებებს სავარაუდოდ, სხვა სახის მოტივი აქვს.
ის თითოეულისთვის სამი ათას ლარიან გირაოს ითხოვს.
ამასთანავე, დაკავებულები არ აღიარებენ, რომ მოზარდების მიმართ რაიმე სახის სექსუალურ ან გარყვნილქმედებას ჰქონდა ადგილი.
ცნობისთვის, დაკავებულებს ბრალად წარდგენილი აქვთ სსსკ-ის 138 ე მუხლი, რომელიც გულისხმობს სექსუალური ხასიათის სხვაგვარ ქმედებას ჩადენილი ძალადობით და ჯგუფურად, წინასწარი შეცნობით 14 წლის ასაკთან მიუღწეველთან. ამ მუხლისთვის გათვალისწინებულია 11-დან 15 წლამდე პატიმრობა.
