თბილისის საკრებულოს დამოუკიდებელმა დეპუტატმა, ალეკო ელისაშვილმა დღეს ოფიციალურად დაადასტურა, რომ თბილისის მერის არჩევნებში მონაწილეობას მიიღებს.
ელისაშვილის განცხადებით, ის მეგობრობს ისეთ ადამიანებთან, რომლებსაც თბილისში რაიმეს შეცვლა სურთ.
„ვინმე თუ კარგად დაფიქრდება, მიხვდება, ვინ არის ჩემი გუნდიც და ჩემი მხარდამჭერებიც. იმიტომ, რომ წლების განმავლობაში მე ვარ თბილისის პრობლემებში ჩართული და წლების განმავლობაში სათითაოდ ვიცნობ და ვმეგობრობ ისეთ ადამიანთან, რომელსაც უნდა ამ ქალაქში რაღაცეების შეცვლა,“ - განაცხადა ალეკო ელისაშვილმა.
ცნობისთვის, ალეკო ელისაშვილი არჩევნებში დამოუკიდებელი სტატუსით მიიღებს მონაწილეობას.
გავრცელებული ინფორმაციით, მის კანდიდატურას მხარს "რესპუბლიკური პარტია" და "თავისუფალი დემოკრატები" დაუჭერენ.
