თბილისის მერიაში ელიავას ბაზრობის ხანძრით დაზარალებულებსა და მერიის პირველ პირებს შორის შეხვედრა დასრულდა. შეხვედრის დასრულებით შემდეგ, ირაკლი ლექვინაძემ განაცხადა, რომ დაზარალებულებთან გარკვეულ საკითხებზე შეთანხმდნენ. მისი თქმით, ჯერ დაზარალებულთა მონაცემთა ბაზები და ზიანის მოცულობა უნდა დადგინდეს.
,,განვახორციელებთ შუამდგომლობას საბანკო სექტორთან, რადგან ბევრ მათგანს აქვს სასესხო ვალდებულება სხვადასხვა ბანკთან. ისევე როგორც სხვა შემთხვევებშიც, მოხდება გარკვეულწილად ფიქრი ამ სესხების რესტრუქტურიზაციაზე. შემოსავლების სამსახურმა თავის მხრივ განაცხადა, რომ დაზიანებულ საქონელზე საგადასახადო ვალდებულებების ჩამოწერა მოხდება და ამ კომუნიკაციაში ბუნებრივია, ჩვენ აქტიურად ჩავერთვებით", - განაცხადა ირაკლი ლექვინაძემ.
თბილისის მერის მოადგილემ დასძინა, რომ მერია ელიავას ბაზრობის დამფუძნებლებსაც შეხვდება.
შეხვედრას თბილისის მერის მოადგილეები: ვიცემერი ლაშა აბაშიძე, ირაკლი ლექვინაძე და გიგა ნიკოლეიშვილი ესწრებოდნენ.
