თბილისის საქალაქო სასამართლოს თავმჯდომარეს იუსტიციის საბჭოს სხდომაზე 3 ივლისს აირჩევენ.
როგორც უზენაესი სასამართლოს თავმჯდომარე ნინო გვენეტაძემ განაცხადა, საკითხს იუსტიციის საბჭოს ახალარჩეული მდივანი გიორგი მიქაუტაძე წარადგენს.
მისივე განცხადებით, საქალაქო სასამართლოს თავმჯდომარის კანდიდატი საბჭოს სხდომაზე საკუთარ ხედვებსა და გეგმას წარადგენს.
„მოხდება გასაუბრება კანდიდატთან საბჭოს წევრების მხრიდან იმ მნიშვნელოვან საკითხებზე, რომელსაც თავმჯდომარეს მოუწევს განხორციელება. ის წარადგენს საკუთარ გეგმას და ხედვებს. ამის შემდეგ საბჭო კენჭისყრით მიიღებს გადაწყვეტილებას. ეს პროცედურა შეიძლება არ არის სრულყოფილად და საბოლოოდ ის, რაც საზოგადოებას დააკმაყოფილებდა, მაგრამ ჩვენ ამ მიმართულებით მნიშვნელოვანი ნაბიჯები გადავდგით“,- განაცხადა ნინო გვენეტაძემ.