თურქეთში გაურკვეველ ვითარებში გარდაცვლილი ქართველი მამაკაცის, 31 წლის ბუნა ხოტოველის დედა, ნათელა ხოტოველი შვილის გაურკვევლ ვითარებაში გარდაცვალების დროულ გამოძიებას მოითხოვს. ის დიპლომატიურ უწყებას თხოვნით მიმართავს, რომ თურქეთის ძალოვანი უწყებიდან გამოძიების მიმდინარეობის შესახებ ინფორმაცია გამოითხოვონ.
„დროულად გამოიძინო ეს ამბავი და დამაწყნარონ! გამაგებინეთ, ვინ მომიკლა შვილი? იქ ყველგან კამერებია დამონტაჟებული და ავტობანზე როგორ აიყვანეს ჩემი შვილი?! სული კბილით მიჭრავს, ვკდვები, მენატრება მისი ხმა!
ბუტას 19 ივნისს ვესაუბრე. დედა, შენ ნუ დამირეკავ, მე დაგირეკავო, მითხრა. ეს ნათქვამი რაღაც ცუდად მენიშნა, ასეთი ჩემი შვილი არასდროს მინახავს. ჩემთან საუბრისას 2 სიტყვით არასდროს შემოფარგლულა, ისიც შუაღამისას“, - აცხადებს „ჯი-ეიჩ-ენ“-თან საუბარში ნათელა ხოტოველი.
გარდაცვლილის დედას შვილის თვითმკვლელობის არ სჯერა.
„თავის მოსაკლავი რა ჰქონდა ამხელა ოჯახი პატრონს, დედისერთას? დახუნძლული იყო საოცარი ემოციებით, ტაილანდის ნახვით, სიცოცხლის მოყვარული ბიჭი იყო, ძარღვებში ასი სიცოცხლე ედგა! ყველაფერს როდის მეტყოდა ერთი სული ჰქონდა, ჩვენ ხომ მეგობრები ვიყავით?! ის თავს არ მოიკლავდა“ - ამბობს „ჯი-ეიჩ-ენ“-თან ბუნა ხოტოველის დედა.
შეგახსენებთ, რომ ბუნა ხოტოველი 20 ივნისს თურქეთში გარდაცვლილი იპოვეს. ის ესტაკადის ხიდთან ბენზინგასამართი სადგურის მუშამ უსიცოცხლო მდგომარეობაში ნახა. თურქი სამართალდამცავები საქმეს თვითმკვლელობის მუხლით იძიებენ, თუმცა, როგორც ცნობილია, ისინი არც მკვლელობას გამორიცხავენ.
ბუნა ხოტოველი 6 ივნისს, ამერიკული დიასპორის მიწვევით ტაილანდში სემინარზე იმყოფებოდა. იქიდან წამოსული ხოტოველი თურქეთის გავლით აპირებდა საქართველოში ჩამოსვლას.
