ნარკოდანაშაულისთვის ბრალდებული მიხეილ თათარიშვილი მოსამართლემ 10 ათასი ლარის გირაოს სანაცვლოდ გაათავისუფლა.
დღეს პრეზიდენტის ქალიშვილი ანა მარგველაშვილი და სიძე მინდია გოგოჭური უნდა დაკითხულიყვნენ, თუმცა,სხდომაზე საქმის პროკურორი არ გამოცხადდა.
მოსამართლე გიორგი დარახველიძემ პროკურორის გამოუცხადებლობის მიზეზი არასაპატიოდ ჩათვალა და ის 300 ლარით დააჯარიმა.
შეგახსენებთ, რომ პრეზიდენტის შვილის, ანა მარგველაშვილის და სიძის, მინდია გოგოჭურის მეგობარი მიხეილ თათრიშვილი 17 მარტს დააკავეს. მას 18 აბი "სუბოტექსის" შეძენა-შენახვას ედავებიან. 18 მარტს პრეზიდენტის შვილმა Facebook-ზე გამოაქვეყნა ვიდეო, სადაც გოგოჭურმა და თათარიშვილმა ერთმანეთი გადაიღეს იმის დასტურად, რომ მათ ჯიბეებში არაფერი უდევთ. ანა მარგველაშვილმა განაცხადა, რომ თათრიშვილს სუბოტექსი ჩაუდეს. 20 მარტს ამ განცხადებას შს მინისტრი და მთავარი პროკურორი გამოეხმაურნენ და თქვეს, რომ პოლიციელების მიმართ მსგავს პრეტენზიებს მტკიცებულებები სჭირდება.
